Contoh Banyak Paparikan, Rarakitan, Wawangsalan (Sisindiran)

CONTOH SISINDIRAN

PAPARIKAN

Batur mah jelema boga

Mun urang mah saayana

Mun hayang asup surga

Gera sholat ti ayena

Hirup ulah popolotot
Bisi moal boga batur
Kudu inget pesen kolot
Jeung dulur teh kudu akur

Ku kulah nyiar kapiting
Kanu bala ngala suluh
Ulah sok liar ti peuting
Di sakola matak tunduh

Peupeujeuh ari ka dayeuh
Meuli kupat jeung gorengan
Peupeujeuh ari geus euweuh
Ulah ngupat kagorengan

Batu turun keusik naek
Kalapa tonggoheunana
Itu purun ieu daek
Sarua bogoheunana

Daun hiris dibeungkeutan
Dibawa ka juri leuit
Anu geulis ngadekeutan
Hayangna dibere duit

Karinding palapah kawung
Di tiup ku nu paranti
Nu ginding ulah mangpaung
Sing emut ka diri abdi

Kapasar meuli gitar
Meulina ka mang adun
Lamun maneh hayang pinter
Diajarna kudu tekun

Aya warta ciparanti
Tangkal awi anu roboh
Ti harita dungser ati
Nyadar diri abdi bogoh

Lauk emas ngakan ganggeng
disamberan ku japati
boga emas moal langgeng
teu cara boga pangarti

RARAKITAN

Mun hayang meuli es dawet

Tong poho mawa duitna

Mun hayang hirup salamet

Tong poho kawajibanna

Hate bungah nempo soto
Hayang gera dahar cekerna
Hate kuring rasa sono
Hayang panggih jeung manehna

Lamun Hayang ulin berang
Ulah make kaos kutang
Lamun hayang hirup senang
Ulah daek loba hutang

Sing getol nginum jamu
Nu guna nguatkeun urat
sing getol neangan elmu
Nu guna dunya aherat

Sapanjang jalan Soreang
Moal weleh diaspalan
Sapanjang jalan tacan kasorang
Moal weleh diakalan

Rarassan ngala mayang
Teu nyaho cangkeuteuk leweung
Rarasaan koneng umyang
Teu nyaho cakeutreuk hideung

Aya kurupuk di keleran
Hanjalkana lain nu abdi
Aya awewe geulis pisan
Hanjakalna tara mandi

Lamun hayang ka soreang
Kudu mawa si mutia
Lamun anjeun resep ka urang
Kudu jadi jalma satia

Lamun hayang lancar cenghar
Sing kandel wae amplopna
Lamun maneh hayang beunghar
Sing getol digawena

Lamun urang ka cikole
Moal hese tumpak kahar
Lamun urang boga gawe
Moal hese barang dahar

WAWANGSALAN

Disebutkeun unggal senen

Cing atuh diuk teh sila

Wangsalna " PANCASILA "

Disebut bilatung dulang
api api teu kadangu
Wangsalna " SANGU "

Teu benang dihurang sawah
Teu benang dipikameumeut
Wangsalna " SIMEUT "

Tempat urang nulis elmu
Kudu pinter ngeusi saku
Wangsalna " BUKU "

Sok dipake dina suku
Hayang pok tapi teu kedal
Wangsalna " SENDAL "

Biasa dipake jang masak
Sim kuring bade lapor
Wangsalna " KOMPOR "

Lomari gede jeung tiis
Hidp kudu sabar tur ikhlas
Wangsalna " KULKAS

Panumpang numpak diharep
Entong lempang bari maca
Wangsalna " BECA "

Dipakena dina sirah
Urang ngbrol bari ngopi
Wangsalna " TOPI "

Alat ngitung dipencetan
Rupa kaseop tapi kotor
Wangsalna " KALKULATOR "

Semangat ngerjain tugas Basa Sunda nya :D